Бүгүн Кыргызстандын футбол боюнча курама командасы Бангладеш командасы менен ойнойт. Бул тууралуу Кыргызстандын футбол биримдигинен билдиришти.

Буга чейин улуттук команда Палестинаны 1:0 эсебинде уткан. Бүгүн футболго байланыштуу ордо калаада бир нече көчө убактылуу жабылат. Бул тууралуу Милициянын кайгуул кызматы кабарлады.

Билдирмеге караганда, бүгүн ордо калаада футбол боюнча "Үч улуттун кубогу" жолдоштук мелдешинин кезектеги оюну өтөт. Буга байланыштуу саат 17:00дөн 23:00гө чейин эки көчөнүн кесилиши жабык болот. Алар:

• Тоголок Молдо көчөсү. Чүй проспектинен Фрунзе көчөсүнө чейин;
• Фрунзе көчөсү. Панфилов көчөсүнөн Исанов көчөсүнө чейин.

Кайгуул кызматы айдоочуларды чектөөнү түшүнүү менен кабыл алып, маршрутту алдын ала пландоого чакырды.