2014-жылдан бери өлкөнүн президенти болгон Гани кечээ президент катары талибдерден мекенин коргоону уланта турганын жарыялаган.

 

Социалдык медиа эсебинен бөлүшкөн видеосу менен Ганинин кеткенин ырастаган Ооганстандын Улуттук Жарашуу Жогорку Кеңешинин Президенти Абдулла Абдулла: "Ал Ооганстандан оор убакта чыгып кетти. Аллах аны жоопко тартат", - деди.

 

Афганистандын коргоо министринин орун басары Бисмиллах Мухаммеди Твиттерде "Алар колдорубузду аркабызга байлап, мекенибизди сатып кетишти. Ганинин жана анын командасына наалат" деп бөлүштү.

 

Reuters агенттиги Афганистандын Ички иштер министрлигинин жогорку кызмат адамы президент Ашраф Гани Тажикстанга барганын билдирди.

 

 

АКШ менен Талибандын ортосунда 2020-жылдын февралында жетишилген тынчтык келишиминин алкагында эл аралык күчтөрдү Афганистандан чыгаруу процесси ушул жылы башталган.

 

Келишимде чет элдик күчтөргө кол салбоо каралганы менен, анда талиптердин ооган коопсуздук күчтөрүнө каршы аракеттерине карата эч кандай жобо каралган эмес.

 

Бир тараптан Дохада ооган өкмөтү менен сүйлөшүүлөрдү улантан талиптер, ошол эле убакта, тактап айтканда июнь айынан бери күч колдонулган кол салуулар менен Ооганстандын көптөгөн райондорун жана провинцияларынын борборлорун бир убакта басып алышты.

 

Баш калаа Кабулду курчап алган талибдер шаар четине кире баштады жана өкмөткө тынчтык менен администрацияны жана борборду өткөрүп берүүнү талап кылышты.