Reuters маалымат агенттиги бийликти талиптерге өткөрүп бергенден кийин түзүлө турган өткөөл өкмөттү АКШнын Ооганстандагы оккупациясынын башталышында ички иштер министри болуп иштеген Али Ахмед Жалали жетектээрин жарыялады. Агенттик өз кабарын үч башка дипломатиялык булакка таянып, талип согушкерлери борбор шаар Кабулда чогулуп жаткан кезде чыгарды.

Ооганстандын 34 провинциясынан 31 провинциясыны басып алган талиптер Кабулду курчоого алышты. Талибан Кабулдун тынчтык жолу менен багынып бериши үчүн өкмөттүк күчтөр менен сүйлөшүүлөр уланып жатканын жарыялады. Ал арада талиптер жетектеген убактылуу өкмөттү жетектей турган ысым белгилүү болду. Ооганстандын мурдагы ички иштер министри Али Ахмед Жалали талиптер жетектеген өткөөл өкмөттү жетектемей болду.

Азыркы ички иштер министри Абдул Саттар Мирзаквал Кабул тынчтык жолу менен өткөрүлүп берилерин жарыялаган болчу.

Али Ахмед Жалали ким?
Али Ахмед Жалали Ооганстандын мурдагы ички иштер министри. 80 жаштагы Жалали 2003-жылдан 2005-жылга чейин ички иштер министри болгон. Берлинде элчилик кызматты да аркалаган. Али Ахмед Жалали - Вашингтондогу Жакынкы Чыгыш жана Түштүк Азия боюнча стратегиялык изилдөөлөр борборунун профессору.