Эми ПЧР-анализди алдын ала кезекке жазылып тапшырса болот. Бул үчүн алдын ала дистанциондук жазылуу сервиси ишке кирди. Бул тууралуу Республикалык штабдан кабарлашты.

Маалыматка ылайык, COVID-19га ПЧР-изилдөөгө анализ тапшырууну каалагандар үчүн шарт түзүү максатында 2021-жылдын 6-августунан баштап Саламаттык сактоо жана социалдык өнүктүрүү министрлигинин Ооруларды алдын алуу жана мамлекеттик санитардык-эпидемиологиялык көзөмөлдөө департаментинде колл-центр уюштурулуп, 0701 55-88-01 байланыш номери аркылуу дистанциондук түрдө жазылууга болот.

Анализ тапшырууну пландап жаткан жарандар, алдын ала белгилүү бир күнгө жана убакытка жазылып, андан кийин төмөнкү дарек боюнча жайгашкан Ооруларды алдын алуу жана мамсанэпидкөзөмөлдөө департаментине кайрыла алышат: М.Фрунзе көч., 535. ПЧР-изилдөөнүн акысы - 788 сомду түзөт. Дистанциондук түрдө жазылуу күнүгө саат 8-30дан 17-30га чейин жүргүзүлөт.

Андан сырткары, анализ тапшырууга төмөнкү пункттар да уюштурулган:

Чүй облусу боюнча 3 пункт уюштурулган: Сокулук районунун Ооруларды алдын алуу жана мамсанэпид көзөмөлдөө борбору, дареги: Сокулук а., Ленин көчөсү, 112. (иштөө графиги 9-00 - 13-00гө чейин, 0500 22-04-92, жыйынтыгы эртеси күнү саат 11-00 - 13-00гө чейин берилет);

Аламүдүн районунун Ооруларды алдын алуу жана мамсанэпидкөзөмөлдөө борбору, дареги: Энергетиктер шаарчасы, Зеленная көчөсү, 3а. (иштөө графиги 9-00дан 13-00гө чейин, 0700 71-77-02 жыйынтыгы эртеси күнү саат 11-00 - 13-00гө чейин берилет);

Ысык-Ата районунун Ооруларды алдын алуу жана мамсанэпидкөзөмөлдөө борбору, дареги: Кант шаары Ленин көчөсү, 43 (иштөө графиги 9-00 - 13-00гө чейин, 0709 05-95-00, жыйынтыгы эртеси күнү саат 11-00 - 13-00гө чейин берилет).

Ысык-Көл облусунун Бостери айылындагы Мамытова 80 көчөсүндө жайгашкан медпункт. Иштөө графиги 8-00дөн 18-00гө чейин, анализ алуу 8-00дөн 15-00гө чейин. Жыйынтыгы эртеси күнү чыгарылат. Байланыш телефондору 0701 55-88-02; 0701 55-88-03.

Ошондой эле жарандар ПЧР-анализ тапшыруу боюнча кеңеш алуу үчүн төмөнкү телефондорго кайрыла алышат: 0312 32-30-12 (8-30дан 17-30га чейин) жана 0701 55-88-06 (8-30дан 20-00гө чейин).