Бүгүн, 3-августта кыргыз кызы, балбаныбыз Айсулуу Тыныбекова Токиодо өтүп жаткан жайкы Олимпиада оюндарынын алкагында эркин күрөш боюнча килем үстүнө чыкты.

Айсулуу Тыныбекова алгачкы беттешинде латвиялык Алёна Григорьева аттуу балбан кыз менен кез келип, аны 8:0 эсебинде жеңип чейрек финалга чыккан.

Чейрек финалда Айсулуу Тыныбекова румыниялык балбан Криста Тунде менен кез келип, атаандашынын далысын жерге таза басып, таза жеңишке жетишти.

Айсулуу Тыныбекова эки атаандашын ишенимдүү жеңип, олимпиада оюндарынын жарым финалына чыкты.