Токио Олимп оюндарында кыргызстандык балбан Айсулуу Тыныбекова 3-августта алгачкы атаандашы, латвиялык Анастасия Григорьеваны 8:0 эсебинде утуп, чейрек финалга чыкты.

Ушул күнү Атабек Азизбеков мелдешти баштап, венгриялык Виктор Лоринске 6:1ге утулуп калды.

Эгер Виктор Лоринс финалга чыкса, Атабек Азизбеков коло байге үчүн жооткочуучу беттеште күчүн сынайт.

Мээрим Жуманазарова жооткотуучу беттеште азербайжандык атаандашын утуп алды. Эми ал коло медаль үчүн беттешет. Дагы бир балбан Үзүр Жусупбеков жооткотуучу мелдеште жеңилди.

3-августта балбан Акжол Махмудов финалда алтын медаль үчүн күрөшөт. Анын Атаандашы - венгриялык Таман Лоринц.

Жөө күлүк Нурсултан Кеңешбеков да ушул күнү 5000 метр аралыкка чуркап, күч сынашууга чыгат.

Кыргызстандан Токио Олимпиадасына 16 спортчу аттанган. Мамлекет алтын медал алгандарга 10 миллион сом, күмүшкө жети миллион сом, коло үчүн беш миллион сом сый акы убада кылган.

23-июлда расмий ачылган Олимп-2020 мелдештери 8-августта жыйынтыкталат.