5-8-августта Ысык-Көлдө самбо боюнча эл аралык мелдеш өтөт

Басылган: 31.07.2021 06:00 | Автор: Админ

Самбо боюнча эл аралык мелдеш 5-8-августта Ысык-Көл жергесинде орун алат. Ага бештен ашуун мамлекеттин спортчулары катышат. Турнир Кызыл жылдыз орденинин ээси Виталий Гордеевдин жаркын элесине арналып жыл сайын уюштурулуп келет. Бул жылы отуз төртүнчү ирет өткөрүлүп жатат.

Мелдешке Оруссия, Казакстан, Өзбекстан жана Франциядан элүүдөн ашуун спортчулар катышат. Аталган өлкөлөрдөн келе турган спортчулардын жалпы саны учурда ашууда. Турнирде жеңишке жетишкен балбандар Кыргыз Республикасынын спорт чебери наамына ээ болот.

Ошондой эле Кыргызстандын самбо боюнча спорт чеберилери да мелдешке катышуу мүмкүнчүлүгүнө ээ. Ал эми кыз-келиндер арасында жети салмак категориясында (50 кг, 54 кг, 59 кг, 65 кг, 77 кг, 80 кг, +80кг) күч сынашат. Эркектер арасында да жети салмак категориясында (58 кг, 64 кг, 71 кг, 79 кг, 88 кг, 98 кг, +98кг) мелдеш өтөт.

Белгилей кетсек, турнир күжүрмөн самбо жана спорттук самбо түрү боюнча болот. Мындан тышкары Кыргызстанда самбо боюнча жалпы отуз спорт чебери, он эл аралык класстагы спорт чебери жана элүү талапкер бар.

"Динамо Жалал-Абад" спорт клубунун башкы тренери, Кыргыз Республикасынын эмгек сиңирген машыктыруучусу, Замирбек Раев да бул эл аралык мелдешке кызуу даярдык жүрүп жатканын белгиледи. Бул клубда учурда 300дөн ашуун бала машыгып келет. Эскерте кетсек, Жалал-Абад шаарында орун алган “Динамо” спорт клубу 2013-жылы милициянын полковниги Жеңиш Жоробеков тарабынан негизделген. Спорт клуб түптөлгөндөн бери 8 жыл аралыгында Кыргызстандын, Азиянын жана Дүйнөнүн бир катар чемпиондору өсүп чыкты. Алар дүйнөлүк аренада өлкөбүздүн намысын татыктуу коргоп келишүүдө.