Кыргызстандагы Жалпы улуттук аза күтүү күнүнө байланыштуу Түрк тилдүү мамлекеттердин кызматташуу кеңешинин штаб - квартирасынын ( Стамбул) алдындагы Азербайжан, Казакстан, Кыргызстан, Түркия, Өзбекстан жана Венгриянын өлкөлөрүнүн мамлекеттик желектери түшүрүлдү. Бул тууралуу уюмдун башкы катчысынын орун басары Султан Раев билдирди. Раев өз сөзүндө, Турк Кеңеши жана жалпы түрк дүйнөсү Кыргызстан менен тилектеш жана Кыргызстанды колдойт, - деп белгиледи.

Эскерте кетсек буга чейин Түрк Кеңешинин башкы катчысы Багдад Амреев да Түрк Кеңешинин атынан билдирүү жолдогон. Билдирүүдө кыргыз-тажик чек арасындагы абалды калыбына келтирүүдөгү Кыргызстандын аракеттери белгиленип, Түрк Кеңешинин чек ара маселесиндеги конфликт боюнча Кыргызстан менен тыгыш иштешерин белгилеген.