Жаштар иштери, дене тарбия жана спорт боюнча мамлекеттик агенттиги Шанхай кызматтыктык уюмунун (ШКУ) Run the Silk Road – Shanghai Cooperation Organization Ысык-Көл IX эл аралык марафонуна ыктыярчыларды тандоону жарыялайт.

Аталган агенттиктен билдиришкендей, IX эл аралык марафон 15-майда Ысык-Көл облусунда өтөт.

Ыктыярчылар марафондо төмөнкү багыттар боюнча иш алып барат:

• катышуучуларды жайгаштыруу жана тамактандыруу;
• транспорттук логистика;
• демөөрчүлөр менен иштөө;
• ЖМК менен иштөө;
• медициналык коштоо;
• калыстар менен иштөө;
• котормо;
• күйөрмандар үчүн кызматтар;
• VIP-конокторду коштоо.

Ыктыярчылар кыргыз, орус жана англис тилдерин эркин билген, 18 жаштан жогору Кыргызстандын жарандары болушу керек.

Табыштамалар Этот адрес электронной почты защищен от спам-ботов. У вас должен быть включен JavaScript для просмотра. дареги боюнча 2021-жылдын 5-апрелдин саат 17:00го чейин кабыл алынат. Аны менен бирге ыктыярчылар өздүгүн тастыктаган документтин көчүрмөсүн жана “Марафонду өткөрүүдөгү менин ролум” темасына мотивациялык кат коштоо зарыл.