Бүгүн Hyatt Regency Bishkek отелинде «Дордой» базарын санариптештирүү боюнча долбоордун презентациясы өтүүдө. Аталган иш-чарада Дордой Ассоциациясынын вице-президенти жана New Market Technologiesдин негиздөөчүлөрүнүн бири Жумабек Салымбеков «Дордой» базарын санариптештирүү маанилүү экенин белгилеп өттү.

Ал өз сөзүндө, «Бардык тараптардын күч-аракеттерин бириктирүү - «Дордой» базарындагы чакан жана орто бизнестин трансформация процессине санарип кызматтарын көрсөтүүдө жаңы масштабга мүмкүндүк берет. Платформаны иштеп чыгууда дүйнөлүк санарип платформаларынын сервис жана кызмат көрсөтүү тажрыйбалары эске алынды. Бүгүнкү күндө ар кандай бизнес санарип форматына өтүп жатат жана маалыматтар абдан баалуу булакка айланууда. Мындай аянтчалардын баалуулугу кардарлар базасынын көлөмү жана сапаты менен өлчөнөт. «Дордойдун» ишкерлери - бул соода, өндүрүш жана кызмат көрсөтүү чөйрөсүндөгү 30 жылдык талыкпаган эмгек», - деп айтты.