Америка Кошмо Штаттары адам өлтүрүү боюнча соттолгон трансулуттук уюшкан кылмыштуу топтун лидери Камчыбек Көлбаевдин бошотулушунан терең тынчсызданууда. АКШнын Мамлекеттик департаменти бул кылмыштуу баңги зат таркатуу тармагын бузууга жардам берген маалымат үчүн миллион долларга чейин сыйлык сунуштайт. Бул тууралуу Америка Кошмо Штаттарынын Кыргызстандагы элчилиги билдирди.

 Көлбаевдин кылмыштуу тармагы баңги заттарын сатуу, адам сатуу, курал-жарак сатуу жана башка кооптуу кылмыш иштери менен алектенет деп айтылат маалыматта.

"Камчыбек Көлбаевдин баңги заттарын сатуу тармагы Борбор Азияда, Россияда жана Европада балдарды ууландырып жатат. Андыктан АКШнын Мамлекеттик департаменти бул кылмыштуу тармакты жок кылууга алып келген маалымат үчүн миллион долларга чейин сыйлык сунуштады" деди АКШнын элчиси Дональд Лу.

Жакында УКМКнын жетекчилиги менен болгон жолугушууда элчи Лу АКШнын укук коргоо органдарынын Көлбаевди иликтөө жана сот жообуна тартуу аракеттерин колдоо боюнча АКШнын милдеттенмесин дагы бир жолу кайталады. Ошондой эле ал Вашингтондун Көлбаевдин кылмыштуу тобун жок кылууга жардам берген акыны эмгек акынын көлөмүн көбөйтүү ниетин билдирди.