Коррупция фактысы боюнча Экономикалык кылмыштарга каршы күрөшүү боюнча мамлекеттик кызматынын (Финпол) башкармалыгынын башчысы кармалды. Бул тууралуу Улуттук коопсуздук мамлекеттик комитетинин (УКМК) басма сөз кызматы билдирет.

Маалыматка ылайык, 2021-жылдын 1-мартында УКМК ККК тарабынан КР Кылмыш-жаза кодексинин 319-беренеси (Коррупция) боюнча кылмыштардын жана жоруктардын бирдиктүү реестрине катталган сотко чейинки өндүрүш ишинин алкагында, Экономикалык кылмыштарга каршы күрөшүү боюнча мамлекеттик кызматынын Бишкек шаары боюнча башкармалыгынын башчысы К.Н. кармалды.

Такталгандай, Финансы полициясынын кызматкерлери, кызматтык абалынан пайдаланып, жарандар менен сүйлөшүп алып, кылмыштуу кирешелерди легалдаштыруу (адалдоо) жана ири өлчөмдөгү каражаттарды Кыргыз Республикасынан чыгарып кетүү боюнча туруктуу коррупциялык схеманы уюштурушкан.

Ушул мыйзамсыз иш-аракеттердин натыйжасында 2020-жылдын март айынан октябрь айына чейин Кыргызстандан 59,5 миллиард сом сыртка ошол эле учурда салык төлөөдөн качуу түрүндөгү алдын-ала зыян 500 миллион сомдон ашык болгон.

Алынган маалыматка ылайык, Экономикалык кылмыштарга каршы күрөшүү мамлекеттик кызматынын кызматкерлери аталган мыйзам бузууларды жашырганы үчүн аталган каналдын уюштуруучуларынан 180 миллион сом өлчөмүндө пара алышкан.

Кармалган адам КР УКМК тергөө камак жайынын убактылуу кармоочу жайына киргизилди.

Учурда бул кылмышка тиешеси бар адамдардын бардыгын аныктоо үчүн тиешелүү ыкчам-тергөө иш-чаралар жүргүзүлүүдө.

Бул маалымат боюнча белгилүү журналист Нарын Айып өз пикирин билдирген. Ал социалдык тармактагы баракчасы аркылуу: "Кечээ, Финполдун Бишкектеги бөлүмүнүн башчысы кармалды. Кабарда Финполдун кызматкерлери ири суммадагы акчаны адалдоо жана өлкөдөн чыгарып кетүү үчүн туруктуу коррупциялык схеманы уюштурушкандыгы маалымдалды.

Натыйжада, 2020-жылдын март айынан октябрь айына чейин 59,5 миллиард сом Кыргыз Республикасынын чегинен тышкары жакка чыгарылып, салык төлөөдөн качуу түрүндөгү алдын-ала эсептелген зыян 500 миллион сомдон ашышы мүмкүн.

59 миллиард 500 миллион сом, 8 айда 700 миллион доллар дегени, а биз болсо 2011-2017 жылдар аралыгындагы 700 миллион долларга жакын каражат боюнча резонанс жараткан тергөө иштерин жүргүзүп жатабыз. Башкача айтканда, 7 жылда жылына 100 миллион доллар же 8 айда 67 миллион доллар. 67 миллион доллар менен 700 миллион долларды салыштырып көрөлү - 10 эседен ашык каражат.

Болжол менен 700 миллион доллар - бул аз гана адамдар көңүл бурган кыска жаңылыктар, бирок болжол менен 67 миллион доллар, ал 700 миллион долларлык кабыкка оролгон (7 жылдан ашуун) - ызы-чуу" деп жазды.

Орус тилиндеги тексттин түп нускасы:

Вчера задержали начальника управления Финпола по Бишкеку – сообщается, что сотрудники Финпола организовали устойчивую коррупционную схему по отмыванию и выводу из страны крупных сумм.

В результате, с марта по октябрь 2020 года за пределы КР было выведено 59,5 млрд сомов и предварительно подсчитанный ущерб в виде уклонения от налогов может составить более 500 млн сомов.

59 млрд 500 млн сомов – это 700 млн долларов за 8 месяцев, а мы тут проводим громкие расследования про $700 млн с 2011 по 2017 годы, то есть за 7 лет – это $100 млн в год или $67 млн за 8 месяцев. Сравните $67 млн и $700 млн – более чем в 10 раз.

Про $700 млн – короткая новость, на которую мало кто обращает внимания, а про $67 млн, которые обёрнуты в оболочку $700 млн (за 7 лет), – шум.