Бүгүн ИИМдин Шумкар атайын багыттагы отрядынын кызматкерлери 29 жылдык кесиптик майрамын белгилешүүдө. KEREEZ.KG маалымат сайтынын жалпы жамааты Кыргыз Республикасынын ИИМдин "Шумкар" Атайын багыттагы полкунун атайын операциялар отрядын кесиптик майрамы менен куттуктайбыз!

ИИМдин Шумкар атайын багыттагы полку, өлкө аймагындагы кылмыштуулук менен күрөшүү, коомдук тартипти жана жарандардын коопсуздугун камсыз кылуу максатында түзүлгөн.  Полкту түзүүнүн негизги максаты жана милдети: кылмыштарга жана укук бузууларга жол бербөө, өлкө аймагында өтө турган ар кандай иш-чараларда, салтанаттуу майрамдарда, саясий кырдаалдарда жарандардын коопсуздугун жана коомдук тартипти сактоо өӊдүү олуттуу милдеттер жүктөлгөн. 

Атайын багыттагы полкто ар кандай кырдаалдарда аракеттене билген күтүлбөгөн тапшырмаларды ыкчам, жогорку деңгээлде даярдыгы бар кызматкерлер кызмат өтөшөт. Полктун өздүк курамы алгач уюшулган күндөн тарта Өлкөнүн кайсыл аймагында кандай кырдаал орун албасын, кызматкерлер коомдук коопсуздуктун сакталышын камсыздоодо калк менен жигердүү иш жүргүзүп өз милдеттерин үзгүлтүксүз аткарууда. Полктун кызматкерлери өздөрүнүн алдына коюлган кызматтык милдеттерин аткаруу менен гана чектелбестен өлкөбүздүн коомдук маданий жана спорттук жашоосунда да активтүү катышып кыргыз элинин желегин башка өлкөлөрдө да бийик көтөргөн бир катар спортчулар да бар.