Коммуникация боюнча сунушталган китептердин тизмеси

Элизабет Мерманн, “Коммуникация жана коммуникабелдүүлүк”

Бул китепте өзүңдүн көз карашыңды билдирүү, туура сын айтуу жана эскертүү берүү боюнча бир катар сунуштар жазылган. Китеп сүйлөшүүлөрдү, үлгү-сабактарды көп өткөргөн жана чоң жамаатта иштегендерге сунушталат. Ар бир бөлүмү конкреттүү кырдаалдардын мисалында жазылган. Мисалы, биринчи иш күнү же жетекчилик менен сүйлөшүүнүн сырлары тууралуу кенен билип алсаңыз болот.

Микаэль Крогерус, “Коммуникация. Кыска, түшүнүктүү, жөнөкөй”

Китептин автору коммуникация тууралуу эффективдүү ыкмаларды сунуштайт. Окурман “софизм”, “массмедиа”, “культивация теориясы” жана “фейк жаңылык” тууралуу кенен маалымат ала алат.

Билл Макгоуэн, “Идеалдуу муун. Эмнени жана кантип сүйлөө керек»

Бул китептин автору Билл Макгоуэн өзү журналист болуп иштеген. Чыгармада абдан кызыктуу окуялар чагылдырылып, анын негизинде көптөгөн сабактарды алса болот. Автор кириш сөзүндө, анын эмгеги коммуникациялык кырдаалдарда чоң жардам берерин айтып өткөн.

Андрей Руденко, Виктория Котлярова, Юрий Шестаков, “Риторика негиздери”

Тизмедеги башка китептерден айырмаланып, “Риторика негиздери” окуу китеби эсептелет. Анда, риторика илим жана искусство катары берилген. Китепте кеп-кеңеш эмес, предменттин тарыхы тууралуу көп маалымат камтылган.