Блогерлер жана жарандык журналисттер тууралуу тартылган бир канча тасмалардын тизмесин сунуштайбыз.

"Чоң оюн” (State of Play, 2009)

АКШнын конгрессменинин колунда иштеген жаш кыз метронун алдына боюн таштайт. Конгрессмен окуяны жүрөгүнө абдан жакын кабыл алып, камеранын алдында көзүнө жаш алат. Бул иш боюнча Капитолийдеги жашоо тууралуу жазып жүргөн блогер Делла Фрай изилдөөчү журналист Кэл Маккэффериге жолугат. Жаш журналисттин өлүмүн изилдеп жүрүп, Маккэффри Американын жогорку саясий кутумдар тууралуу кулагы чалат.

“Гонзо: Хантер С. Томпсондун коркуусу жана жек көрүүсү”

Бул тасма белгилүү жазуучу, чагымчыл жана гонзо-журналистиканын жактоочусу Хантер Томпсон тууралуу тартылган. Томпсон көпчүлүккө “Коркунуч жана жек көрүү” романы аркылуу таанылуу. Кийинчерээк, бул чыгарманын негизинде фильм да тартылган. Биографиялык тасма журналисттин жашоосундагы маанилүү жана чечүүчү бурулуштар жөнүндө баяндайт: Rolling Stone журналындагы эмгек жолун, “Тозоктун периштелери” аталышындагы кылмыштуу топ менен болгон байланышы, Аспен шаарынын шерифи болууга умтулуусу, 1972-жылы сенатор Жорж МакГовердин президенттик кызматка ат салышкан шайлоо компаниясындагы ишмердүүлүгү. Тасмада Хантердин өмүрү тууралуу анын жакын санаалаштары, сүрөтчү Ральф Стэдман, ошондой эле Жонни Дэпп ой бөлүшкөн. Эскерте кетсек, Жонни Дэпп “Лас-Вегастагы коркунуч жана жек көрүү” фильминде башкы ролду жараткан.

“Америкалык блогер”

Блогер, фотограф жана кинорежиссёр Кристофер Вигенддин даректүү тасмасы. Ал камерасы менен Американын бүт аймактарын кыдырып чыккан. Кристофердин бир гана максаты: адамдын үнү жана пикири канчалык күчкө ээ экендигин көрсөтүү болгон.

“Дээрлик белгилүү”

Жөнөкөй эле жигит эң белгилүү “Роллинг Стоун” музыкалык журналынын кабарчысы болуп иштеп калат. Жумушунун алгачкы күндөрүндө ал “Стиллуотер” тобу менен гастролго чыгат. Бул турнеде ал укмуштуудай окуяларга туш болот.