Россия федерациясынын кинематографисттер союзу СССРдин эл артисти, СССРдин мамлекеттик сыйлыгынын лауреаты, кинорежиссёр жана сценарист Болотбек Шамшиевдин дүйнөдөн өткөндүгүнө байланыштуу жакындарына жана жалпы кыргыз элине көңүл айтат. 

Болот Шамшиев советтик жана кыргыз киносунун гана эмес, бүткүл дүйнө маданиятынын классиги. Ал чыгаан режиссёр катары улуу жазуучу Ч. Айтматовдун чыгармаларын экрандаштырып, "Ысык-Көлдүн кызгалдактары", "Ак кеме", "Эрте келген турналар" сыяктуу өчпөс эмгектерди калтырып кетти.

Биз досубуз жана кесиптешибиз Болот Шамшиевди эч качан унутпайбыз. Кыргыз элинин кайгысын тең бөлүшөбүз.

Россия федерациясынын кинематографисттер союзунун төрагасы Н. С. Михалков.