Чыңгыз Айтматов атындагы орус драма театрынын оңдоп-түзөө долбоорунун  сметасы даярдалып бүттү. Ремонт иштери жакында башталарын Маданият, маалымат жана туризм министрлиги билдирет.

Ошондой эле, тегерегинде мыйзамсыз курулган объектилерди алып салуу жана театр кызматкерлерине керектүү шартты түзүп берүү маселеси каралып жатат.

1935-жылы Кыргыз ССРинин өкмөтү өз алдынча орус драма театрын түзүү боюнча токтом кабыл алган. Бул театр өлкө боюнча жападан жалгыз орус драма театры болуп эсептелет.

Өлкөнүн театр искусствосун өнүктүрүүгө кошкон өзгөчө салымы жана улуттар ортосундагы  достукту бекемдөөгө кошуп жаткан аракети эске алынып, 2007- жылы "улуттук" статусу берилген. Ал эми 2008-жылы Кыргыз эл жазуучусу Чыңгыз Айтматовдун ысымы ыйгарылган.