Кыргызстандык режиссёр Бекзат Пирматовдун "Аврора" тасмасы Индонезиянын Джокьякарта шаарында өтүп жаткан Азия киносунун XIV эл аралык фестивалында көрсөтүлүүдө.

Кинематографияны колдоо департаменти билдиргендей, кыргызстандык фильм "Джокья-НЕТПАК" (JAFF) деп аталган фестивалдын негизги конкурстук программасына кирген.

Калыстар тобунун курамында кино тармагында аты чыккан режиссёрлор менен бирге белгилүү кинотаануучу Гүлбара Төлөмүшова да бар.

JAFF алдыңкы фестиваль, ал Азиянын мыкты картиналарын жайылтууну көздөйт. Быйылкы өткөн иш-чара "Кайра жаралуу" деп аталды.