Буга чейин ырчы мырзалар “Мекеним Кыргызстан” партиясынын съездине делегат катары катышышкан.

Бек Борбиев кыргызстандыктарга кайрылып, добуш берүү эркин экенин эскертти. “Достор, мени жакын арада парламенттен көрө албайсыздар. Мен азыркы жарыштагы 3 партияга гимн-ыр жазгам жана жаза берем. Эгерде менден жакшы жазсаңар, анда жаза бергиле, конкурстук негизде тандап алышат. Шайлоодо эч ким эч кимди күчкө салып добушун ала албайт, баары демократия жолунда, андыктан каалаган партияга добушуңузду бериңиз”,- деди ал.

Ал эми ырчы Урмат Усенов шайлоого катышуу сунушу түшсө да, андан баш тартканын билдирди. Ал мындай чечимин жаштардын мамлекеттик башкарууга аз тартылып жаткандыгы менен түшүндүрдү.