Жайкы туристтик сезондо коопсуздукту санариптик жабдыктар менен жабдылган автоунаалар камсыз кылат. Санариптештирүүнүн алкагында Жол кыймылынын коопсуздугун камсыздоо башкы башкармалыгы GPS видеокөзөмөлү бар жаңы кызматтык унааларды ишке киргизди. GPS жана видеорегистраторлор глобалдык позициялоо системасына туташтырылган.

Кырдаалды борбордун кызматкерлери монитордон тигил же бул патрулдук унаа учурда кайда жайгашканын, кызматкерлер унаанын ичинде эмне кылып жатканына көз салып турушат. DVR ошондой эле унаанын сыртынан, алдынан жана артынан жазып алат.

Ошондой эле кызматкерлердин көкүрөк камералары үзгүлтүксүз иштеп, алардын жардамы менен кызматкерлердин ишмердүүлүгү, күн тартиби жана мыйзамдуулугу көзөмөлдөнөт. Андан сырткары жол эрежесин бузган айдоочулар менен сүйлөшкөндө кызматкерге коррупциялык мүнөздөгү аракеттерге жол бербейт.

Бул камералар үзгүлтүксүз видео жана аудио жазууну камсыз кылат. Мындай онлайн режими менен Ош, Бишкек шаарларынан Ысык-Көл облусуна чейин жол кыймылын көзөмөлдөө жүргүзүлөт. Буга байланыштуу туристтик сезон аяктаганга чейин Жол кыймылынын коопсуздугун камсыздоо башкы башкармалыгы күчөтүлгөн режимде иштейт. 

Белгилей кетсек учурда Ош, Бишкек шаарларында жана Ысык-Көлдүн жээгинде GPS видеокөзөмөлү орнотулган 160 унаа бар. Ошондой эле күнү-түнү байкоо жүргүзүүчү 5 стационардык «Ураган» видеокамерасы, 22 автоматтык «АвтоУраган» видеокөзөмөл системасы иштеп, күнү-түнү көзөмөлгө алынат. Негизги максат - туристтер эс алуусуна ыңгайлуу шарттарды түзүү.

Бул система бардык климаттык зоналарда, магистралдарда жана көчөлөрдүн кесилиштеринде унаалардын кыймылын көзөмөлдөө үчүн активдүү колдонулат. Ал издөөдө жүргөн, сүзүп кеткен унааларды жана айдоочуларды аныктоо жана табуу үчүн натыйжалуу курал.

Ички иштер министрлигинин Мониторинг борбору орнотулган автоматташтырылган маалыматтык тутумдун жардамы менен бир эле убакта өлкөнүн жолдорунда болуп жаткан окуялар тууралуу маалымат берип турат.