“Крокус сити холлдогу” терактка катышы бар делген 20дан ашык адам кармалганын Орусиянын Федералдык коопсуздук кызматынын директору Александр Бортников КМШга мүчө мамлекеттердин коопсуздук органдарынын жана атайын кызматтарынын жетекчилеринин кеңешинин Бишкекте өтүп жаткан жыйынында билдирди.

“Учурда кылмышка тиешеси барлардын чөйрөсүн тактап жатабыз, буга чейин 20дан ашык адам, анын ичинде түздөн түз күнөөкөрлөр жана шериктери да кармалган”, - деди Бортников.