Nokia Mobile 5-декабь күнү Каир шаарында презентация өткөрөрүн Твиттердеги баракчасында маалымдады.

Маалыматта Nokia кандай түрдөгү смартфонду презентациялашы тууралуу айтылган эмес.

Серепчилердин пикиринде, компания интернет айдыңында буга чейин айтылып келген Nokia 8.2 үлгүсүндөгү смартфондун бет ачарын өткөрүшү ыктымал. Маалыматтарга караганда, аталган смартфон FHD+ PureDisplay экраны менен жабдылып, Snapdragon 7 Series процессорлуу болуп, эс тутуму 8 Гбайтты түзөт. Ошондой эле, 256 Гбайт кошумча эс берилип, көп кырдуу камерасы 64-мегапикселдүү сенсордон турат.

Андан сырткары, Nokia 2.3 жана Nokia 5.2 смартфондору да тааныштырылат деген кептер жүрүүдө.