2024-жылдын 27-июнунда Түрк мамлекеттер уюму эл аралык бизнес форум уюштурат. Иш-чара Ысык-Көлдүн жээгиндеги “Байтур Резорт” ордосунда өтөт. Анда инвестиция тартуу боюнча маанилүү маселелер талкууланат.

Форумда төмөнкү темалар талкууланат:

- Кыргыз Республикасынын инвестициялык потенциалы;

- ТМУнун катышуучу жана байкоочу мамлекеттеринин аймагына продукцияны экспорттоо;

- экологиялык таза продукцияны жайылтуу;

- жашыл энергетиканы өнүктүрүү;

- IT тармагын өнүктүрүү перспективалары;

- заманбап чакырыктардын контекстинде банк секторунун трансформациялары.

Иш-чарага 6 катышуучу өлкөнүн: Кыргызстан, Түркия, Азербайжан, Казакстан, Өзбекстан жана Түркмөнстандын делегациясы; ошондой эле байкоочу өлкөлөр: Венгрия, Түндүк Кипр жана Европа палаталарынын өкүлдөрү катышат.