Коронавируска байланыштуу Apple компаниясы iPhone смартфондорун жеткирүүнү азайтат. Бул тууралуу компаниянын расмий сайтына жарыяланды.

Америкалык компаниянын гаджет чогултуу боюнча өнөктөштөрү Хубэй провинциясынан сырт жайгашкан. Ошондой болсо да, өндүрүштүн көлөмү азаят.

COVID-2019 вирусунун таралышына байланыштуу Кытайда Apple компаниясынын продукциясына болгон суроо-талап басаңдай түшкөнү маалымдалууда. Анткени, компаниянын өнөктөш дүкөндөрүнүн көпчүлүгү жабылып, айрым дүкөндөрдө соода жакшы болбой жатканы айтылат.