Япониялык 44 жаштагы миллиардер Юсаку Маэдзава биргеликте Айга учуп барууга жана жубай болууга макул болчу кыз издеген. Бул тууралуу ал Twitter баракчасына жарыялаган эле.

Анын бул билдирүүсүнө 20 миңден ашык кыз макулдугун билдирип, кат жолдогон. Юсаку Маэдзава өзүнө жаккан кызды 2020-жылдын март айында Full Moon Lovers телешоусунун түз эфиринде тандарын билдирди. 

Миллиардер ага көңүлү ачык, куунак жана энергиялуу кыздар жагарын билдирди.

44 жаштагы Маэдзава – модельер жана “Zozo” кийим-кече сатуучу онлайн-дүкөндүн ээси. Forbes анын эки миллиард долларлык байлыгы бар экенин билдирет. Маэдзава Айдын орбитасына учуп барган алгачкы турист болуп калат. Бул турду Илон Маск жетектеген SpaceX компаниясы уюштурат.