SpaceX компаниясынын негиздөөчүсү Илон Маск 2050-жылы Марс планетасына миллион кишини жиберүү ниетин билдирди. Бул тууралуу Business Insider жазып чыкты.

Маалыматта айтылгандай, SpaceX иштеп жаткан Dragon Crew космостук кемесинин курулушу - Марсты колонизациялоо боюнча масштабдуу долбоордун негизги бөлүгү эсептелет. Маск XXI кылымдын орто ченинде кызыл планетага күн сайын үчтөн кеме учуруу ниетин билдирүүдө.

Илон Маск Dragon Crew кемеси 100 киши жана 100 тонна жүк көтөрүүгө ылайыкталганын кошумчалады.

2019-жылдын сентябрь айында Маск көп жолу колдонулуучу космостук кеменин прототиби менен тааныштырган. Ал адамдарды жана белгилүү өлчөмдөгү жүктү Марс планетасынан Айга ташып барат. Аталган космостук аппарат Starship деп аталды. Анын узундугу 50 метр, ал эми салмагы жүк жана күйүүчү майды эске албаганда 120 тоннаны түзөт. Космостук кеме менен тааныштырып жатып, Маск Starship кемеси Ай менен Марсты колонизациялоодо негизги ролду ойноп каларын билдирген.