Netflix стриминг кызматы келерки жылы атаандаштыктын айынан 4 млн катталуучусун жоготуп алышы мүмкүн. 

Бул тууралуу компаниянын улук талдоочусу Лора Мартин билдирет.

Netflix кызматына жазылгандар ай сайын 9 - 16 долларга чейин төлөп турушат. Ал эми компаниянын атаандаштары Disney+, Apple+, Hulu, CBS All Access жана Peacock катталуучулар үчүн эң ыңгайлуу 5-7 доллар төлөмдү сунуштап жатат. Эгерде Netflix катталуу акысын арзандатпаса, 4 млн кишини жоготуп алат, - дешет талдоочулар.

Эскерте кетсек, Netflix - америкалык оюн-зоок компаниясы болуп, тасма жана сериалдарды жеткирүү кызматын өтөйт.