АКШда ноябрдын акыркы жумасынын бейшемби күнү  ыраазычылык күнү белгиленет. Салтка ылайык, бул күндү үй-бүлө менен өзгөчө шаң менен тосушат. Борбордук Азиядагы Америка университетинин окутуучулары менен студенттери да бир чоң үй-бүлө болгондуктан, окуу жайда бул майрамга өзгөчө көңүл бурулат.

Майрамга бир күн калганда окуу жайда ыраазычылык айтуу үчүн атайын стенддер орнотулат. Анда жазылган билдирүүлөрдөн “Эң күлкүлүү”, “Эң узун”, “Ыкыластуу” жана “Ак ниет” номинациялары аныкталат.

Бу күнгө карата сабактан тышкаркы иш-чаралар бөлүмү студенттер үчүн атайын фуршет уюштурду. Фуршетте салтка айланган үндүк эти бышырылды.

Окуу жайдын калыптаган салтына ылайык, 2018-2019-жылдарда жакшы көрсөткүчкө жеткен алдыңкы студенттерге сыйлыктар тапшырылды. Сыйлыктар клубдардын активисттери, ыктыярчылар, жарандык позициясы туруктуу студенттерге ыйгарылды. Жалпы 47 студент грамоталарга ээ болушту. Ошондой эле, жогоруда айтылган сынактын жыйынтыгы менен 5 студентке белектер берилди.

Аталган датага карата ыраазычылык ырларына сынак жарыяланган. Ырда сөзсүз түрдө “AUCA” жана “Thanksgiving Day” сөздөрү камтылышы керек эле. Сынактын бардык катышуучуларына символдук белектер тапшырылды.

Иш-чаранын соңунда каалоочулар сахнадан ыраазычылык сөздөрүн айтышты.