29-ноябрь күнү Жаңы муун академиясы жыл сайын өтүүчү Food Drive кайрымдуулук иш-чарасын өткөрдү. Ал Адина Сулумбаева жана Нурмухамед Туркбаевдин академиясынын бүтүрүүчүлөрү тарабынан уюштурулду.

Балдар үйүнө кайрымдуулук кылуу идеясы өткөн жылы ишке ашырылып, былтыр Food Drive кайрымдуулук акциясы биринчи жолу өткөн. Быйыл Чүй облусунун Беловодск балдар үйүнүн тарбиялануучуларына жардам көрсөтүлдү.

Кайрымдуулук акциясы үчүн  NGAнын 7 группасы боорсок, бутерброд, плов, пицца жана шириндиктер бышырышты. Тамак-аш сатылып, андан түшкөн 14 миң сом каражат кайрымдуулукка берилет. Быйыл балдар үйүнүн администрация сунуш кылган окуу куралдары, азык-түлүк жана башка буюм-тайымдар сатылып алынмакчы.

Уюштуруучулар бул иш-чара NGAнын студенттери үчүн салтка айланып, жыл сайын өтүп калат деп үмүттөнөт.