Бишкектеги Травматология жана ортопедия илим-изилдөө борборунун башчысы Сабырбек Жумабеков Орусиянын илимдер академиясынын мүчөсү болду.

15-ноябрда Илимдер академиясында жыйын болуп, анда мүчө-корреспонденттер менен чет элдик мүчөлөр кабыл алынган. Орусиянын илимий коомчулугунун катарын чет элдик бир катар окумуштуулар толуктаган. Ал эми Жумабеков Илимдер академиясынын медицина илимдери бөлүмүнө травматология жана ортопедия жаатында чет элдик мүчө болгон. Жумабеков Орусиянын илимдер академиясына мүчө болуу ал үчүн сыймык жана жоопкерчилик экенин билдирди. Жаңы мүчөлөрдү кабыл алуу аземи декабрдын башында өтөт. Медицина илимдеринин доктору Сабырбек Жумабеков көп жылдан бери Бишкектеги Травматология жана ортопедия илим-изилдөө борборун жетектеп келет. КР Улуттук илимдер академиясынын академиги.