Жаңы окуу жылдын башталышына карата республика боюнча 12 билим берүү объектисинин курулушу жана капиталдык оңдоп түзөө жумуштары бүткөрүлдү. Бул тууралуу Мамкурулуш билдирди.

Тактап айтканда, курулуп бүткөн объекттердин жалпы долбоордук кубаттуулугу 2820 окуучулук орунга эсептелген. Айтылган мектептердин предметтик класстары, ашакна жана актовый залы, бардык зарыл техника жана эмеректер менен жабдылган. Ошондой эле, мектептердин имаратында  өрт өчүрүүчү каражаттары жана видеобайкоо камералары орнотулган, желдетүүчү контролдору каралган.

Белгилей кетсек, “Капиталдык салымдар” беренеси боюнча республикалык бюджеттин каражатынан 475 миллион 759 миң 800 сом каржыланган.

Бүткөн объектилердин тизмеси:

Чүй облусунун Чуй райнунун Кош-коргон айылындагы Каракеев атындагы 350 орундуу мектептин окуу корпусу;

Баткен облусунун Баткен районунун Сай айылындагы Акматов атындагы 225 оурндуу мектептин окуу корпусу;

Баткен облусунун Кадамжай районунун Жоошук айылындагы Юсупов атындагы мектептин капиталдык оңдоп түзөө иштери;

Жалал-Абад облусунун Аксы районунун Авлетим айылындагы Акылбеков атындагы 225 орундуу мектеби;

Нарын облусунун Ак-Талаа районунун Баетов айылындагы Карасартов 275 орундуу мектеби;

Ош облусунун Кара-Суу районунун Жарооз участкасындагы С.Жусуев атындагы 225 орундуу мектептин окуу корпусу;

Ош облусунун Кара-Кулжа районунун Сары-Бээ айылындагы 200 орундуу мектеби;

Ош облусунун Ноокат районунун Кожоке айылындагы Чынкараев атындагы 225 орундуу мектеби;

Ош облусунун Узген районунун Макаренко айылындагы Ж.Маматжанова атындагы 275 орундуу мектеби;

Өзгөн шаарындагы №6 А.Навои атындагы 520 орундуу мектеби;

Ош облусунун Узген районунун Кысык-Алма айылындагы 200 орундуу мектептин окуу корпусу;

Талас облусунун Кара-Бура районунун Кок-Сай айылындагы мектптин 100 орундуу кошумча корпусу.