Быйыл пандемияга байланыштуу БААУнун 1-курсунун студенттери үчүн салтка айланган Багыт алуу апталыгы виртуалдуу түрдө уюштурулду.

БААУдан кабарлашкандай, быйыл COVID-19га байланыштуу өзгөчө мезгил болсо да, бул жагдай студенттер үчүн укмуштуудай багыт алуу апталыгын өткөрүүгө тоскоол болгон жок. “Кош келиңиздер жана сиздерди Борбор Азиядагы Америка университетине окууга тапшырганыңар менен куттуктайбыз! Биздин үй-бүлөбүздүн катарына кошулуп жатканыңарга кубанычтабыз!

Силерде БААУнун жаңы студенти катары сөзсүз суроолор жаралат. Багыт алуу апталыгы дал ошондой суроолорго жооп табууга жардам берүү үчүн иштелип чыккан. Ал силерге ресурстар, программалар жана кампустун кызматтары жөнүндө маалымат берет.Анын аягында силер БААУнун ийгиликтүү студенттеринин катарын толуктайсыңар. Ал эми инструкторлор менен окутуучулар силерге биздин окуу жайдын окуу шарттарына жана студенттик жашоосуна көнүүгө көмөктөшүшөт”,- деп айтылат маалыматта.

Белгилеп кетчү нерсе, интерактивдүү багыт алуу апталыгына катышуу шарт. Ошондой эле студенттерден түрдүү сессиялар менен сабактардын учурунда милдеттүү түрдө түйүн ичинде болуу талап кылынат. Ошондой эле БААУнун окутуучулары буларды эскертишти:

МААНИЛҮҮ ЖАҢЫЛАНУУ

COVID-19 жуктуруу учурларынын өлкөбүздө жана дүйнө жүзүндө көбөйүп жаткандыгына жана КРнын Саламаттыкты сактоо министрлигинин коопсуздук чараларынын күчөтүлүшүнө байланыштуу, 1-курстар үчүн Багыт алуу апталыгы үстүбүздөгү жылдын 17-августунан 28-августуна чейин онлайн өткөрүлөт.

Багыт алуу апталыгы силерге БААУга тапшырып жаткан башка студенттер менен таанышуу мүмкүнчүлүгүн да берет. Жаңы адамдар менен таанышып, жаңы досторду күтүүгө даяр болуңуздар.

Сиз үчүн Багыт алуу апталыгын аралыгында туруктуу интернетке улануунун, ZOOM тиркемесинин болуусу абдан маанилүү.

Онлайн-академиялык сабактардын жүгүртмөсү менен таанышуу үчүн бул шилтеме аркылуу кирүүнү өтүнөбүз: https://auca.kg/en/p4985344641/