Бишкектеги ар бир мектеп директорунун иши изилденип, баа берилет. Мындай тапшырманы калаа башчысы Эмилбек Абдыкадыров райондук билим берүү борборлорунун жетекчилерине берди.

Муниципалитеттен билдиришкендей, мэр Эмилбек Абдыкадыровдун төрагалыгы алдында Бишкектеги жалпы билим берүү уюмдарынын директорлору боюнча жыйын өттү.

Мэрдин социалдык маселелер боюнча орун басары Виктория Мозгачева, акимдер, шаардагы төрт райондун акимдеринин орун басарлары, билим берүү департаментинин директору, райондук билим берүү борборлорунун жетекчилери, райондук ички иштер бөлүмдөрүнүн, шаардык прокуратуранын кызматкерлери катышты.

Өз кезегинде мэр борбор калаадагы мектептердин айрым директорлору мектепти өздөрүнүн үй-бүлөлүк институтуна айландырышканын, алар кеткенден кийин жакындарын таштап кетишкенин белгиледи.

Ошондой эле ата-энелер тарабынан мектеп директорлорунун үстүнөн мыйзамсыз акча чогултуулар боюнча көптөгөн арыздар түшүп жатканын белгиледи.

Эмилбек Абдыкадыров иштин жүрүшүн көзөмөлгө алып, укук коргоо органдарынан, тактап айтканда УКМКнын шаардык башкармалыктарынан, Ички иштер министрлигинен өз убагында чара көрүү зарылдыгын белгиледи.