Быйыл окуу жылы 30-майда аяктайт. Өлкөдөгү кырдаалга байланыштуу акыркы коңгуроо салтанаты онлайн өтөт.

Учурда бүтүрүүчүлөргө куттуктоолор арналып, телеканалдардан жана социалдык тармактардан кетүүчү #менбүтүрүүчүмүн акциясы жүрүп жатат. Башка окуу жылдарынан айырмаланып, коронавирус пандемиясына жараша мектептерде көчүрүү экзамендери болбойт. Бул тууралуу онлайн брифинг учурунда билим берүү жана илим министринин орун бары Надира Жусупбекова билдирди. Анын айтымында, окутуу аралыктан жүрүп жаткандыктан, класстан класска көчүрүү окуучулардын жалпы жетишкендиктеринин негизинде бааланмакчы. Мындан сырткары, мамлекеттик аттестациялоонун форматы да өзгөртүлүп, бүтүрүүчүлөр экзамен тапшырбайт. Айта кетсек, быйыл 9-классты 103 миңден ашык окуучу, ал эми 11-классты 58 миңдей бүтүрүүчү аяктап жатат.