2020-жылдын 21-январында Борбордук Азиядагы Америка университетинин Инновациялык колледжинде “Туризмдеги англис тили жана менеджмент” программасынын жабылышы болду. Программа аскер кызматкерлерин жарандык жашоого көндүрүүгө багытталган эле.

Аталган курс отставкадагы аскер кызматкерлери үчүн англис тилин үйрөнүүгө чоң мүмкүнчүлүк түзгөн. Кыска мөөнөттүү окууну аяктагандарга маалыматтык жана кеңеш берүү жагынан колдоо көрсөтүлүп, жумушка орноштуруу да каралган.

2011-жылдан баштап, БААУнун кошумча билим берүү борбору 47 тайпаны уядан учурду. Алар НАТО-Кыргызстан программасынын алкагында түрдүү багыт боюнча кошумча билим алышты. Бул жылдар аралыгында программа Бишкекте эле эмес, Ош, Каракол, Жалал-Абад жана Нарында да окутулду.

Кошумча билим берүү борбору быйылкы күз-кыш айларында Ош шаарындагы отставкадагы аскер кызматкерлерине англис тил курстарын өттү.

Аталган программанын жабылыш аземине аскер кызматкерлеринен сырткары, БААУнун, Башкы штабдын жана аскердик мекемелердин өкүлдөрү катышты.

БААУнун кошумча билим берүү борбору 2007-жылдан бери иштеп келет. Негизги багыттары: тил, компьютердик, коммуникативдик жана бизнес окууларын уюштуруу.

Кошумча маалымат: www.leader.auca.kg

Бардык суроолор боюнча БААУнун кошумча билим берүү борборуна кайрылууга болот.

Дареги: А. Токомбаев көч. 7/6 (болжол: Асанбай кичи району), 209 кабинет

Тел: +996 312 91 50 22

Email: Этот адрес электронной почты защищен от спам-ботов. У вас должен быть включен JavaScript для просмотра.