Президент Садыр Жапаров бүгүн, 4-декабрда кыргызстандыктарды «Манас» эпосунун күнү менен куттуктады, - деп билдирет мамлекет башчысынын басма сөз кызматы.

Кыргызстандык спортчу Мээрим Жуманазарова Россияда өткөн “Москванын гран-приси — Алроса кубогу” спорттук күрөш боюнча супертурниринда аттандашы Ханум Велиеваны утту.

“Ата Мекен” партиясынын лидери Өмүрбек Текебаевге кол салууга катышкандар 3-декабрда партиянын кеңсесине барып, саясатчыдан кечирим сурашты. Алар максаттуу түрдө Текебаевге кол салуу үчүн чогулушпаганын, 1-декабрда өлкөдө тынчтыкты талап кылган акцияга келип капыстан саясатчы менен чыр чыгып кеткенин айтышты. Окуяга катышкандардын бири, Токмок шаардык кеңешинин депутаты Кайрат Чокеев мындайча түшүндүрмө берди.

Борбордук шайлоо комиссиясы бир мандаттуу шайлоо округдарында бюллетендердин 100 пайызы кол менен саналып бүткөнүн маалымдады. Анын жыйынтыгы АСУнун берген маалыматынан дээрлик айырмаланган эмес. Алгач алдыда бараткандардын бири да кол санактан кийин экинчи орунга түшүп калган жок.

Бүгүн, 3-декабрь саат 10:00гө карата Жогорку Кеңешке бирдиктүү шайлоо округу боюнча бюллетендердин 91.10% маалыматтык серверге киргизилип бүттү.

Бүгүн, 3-декабрда, Кыргызстандын президенти Садыр Жапаровдун "Арыба" сайтына берген кыскача маеги жарыяланды. Анда мамлекет башчысы үстүбүздөгү жылдын 28-ноябрында өткөн Жогорку Кеңештин депутаттарын шайлоо жана "Ата Мекен" партиясынын лидери Өмүрбек Текебаевдин айланасындагы акыркы окуялар боюнча өз пикирин билдирген.

Кыргызстанда акылдуу эсептегичтерди чыгарган цех ачылат. Бул тууралуу Биринчи радионун эфиринде “Улуттук энергетикалык холдинг компаниясы” ААК башкармалыгынын төрагасы Талайбек Байгазиев билдирди.