Борбор Азиядагы Америка университети Эл аралык, көп профилдик билим берүү мекемеси болуп саналат.

БААУнун миссиясы – Борбор Азиядагы кайра куруулуар үчүн америкалык гуманитардык билим берүүнүн мыкты салттарында жаңы, билимдүү, жетектөөчү кадрларды даярдоо. БААУ – гуманитардык илимдер тармагында америкалык система боюнча окуткан Борбор Азиядагы алгачкы университет. Ошондой эле ал Quacquarelli Symonds (QS) рейтинги боюнча Борбор Азиядагы мыкты 10 университеттин катарына кирет. Окутуу программалары АКШда Bard College менен өнөктөштүктө аккредитацияланган. БААУнун бүтүрүүчүлөрү бир учурда 2 дипломго ээ болушат: кыргыз мамлекеттик үлгүсүндөгү жана АКШда аккредитацияланган дипломдорго.

Биздин университетте бакалавриаттын төмөнкү багыттары боюнча билим алууга болот:

“Антропология, технология жана Эл аралык өнүктүрүү”;

“Колдонмо геология”;

“Эркин искусстволор жана илимдер”;

“Европа таануу”;

“Журналистика жана массалык байланыштар”;

“Телевидение, кино жана медиа искусстволор”;

“Эл аралык жана бизнес укук”;

“Эл аралык жана салыштырма саясат”;

“Колдонмо математика жана информатика»;

“Психология”;

“Программалык инженерия”;

“Социология”;

“Бизнес башкаруу”;

“Экономика”.

Магистрдик программаларды төмөнкү адистиктер түзөт:

“Антропология, урбанизм жана Эл аралык өнүктүрүү”;

“Социология”;

“Бизнести башкаруу” (MBA);

“Экономика”;

“Борбор Азияны иликтөө”;

“Журналистика”;

“Педагогика”;

“Колдонмо психология”;

“Укук” (LL.M.)

“Таланттарды башкаруу жана уюмдарда адамдык потенциалды өнүктүрүү”.

БААУда бакалавриат программалары боюнча акысыз бекер окууга да мүмкүн. Ал үчүн төмөнкү шарттардын бирин аткаруу керектелет:

• • Жалпы республикалык тестирлөөнүн Алтын сертификаты
• • Англис тили боюнча республикалык олимпиадада I орун
• • Кирүү сынактарында эң жогорку упай (“Антропология” жана “Социология” программалары үчүн гана)
• • БААУнун донорлорунун гранттык программалары
• • БААУ тарабынан жыл сайын өткөрүлчү Brain ring жана Streamсынактарында жеңишке жетишүү.

БААУда 1300 студент билим алса, алардын 70% КРнын жарандары. Калган 30% төмөнкү мамлекеттердин жарандары болуп саналат: АКШ, Франция, Канада, Германия, Норвегия, Англия, Монголия, Түштүк Корея, Кытай, Казакстан, Тажикистан, Түркмөнстан, Өзбекстан жана Ооганстан.